വിരാടിനെ വീഴ്ത്താന്‍ വൈഭവ്; ആറ് റണ്‍സകലെ കാത്തിരിക്കുന്നത് തകര്‍പ്പന്‍ റെക്കോര്‍ഡ്‌

അണ്ടർ 19 ഏകദിന ലോകകപ്പ് പോരാട്ടങ്ങൾക്ക് ഇന്ന് തുടക്കമാവുകയാണ്. ആദ്യമത്സരത്തിൽ ഇന്ത്യ യുഎസ്എയെ നേരിടുമ്പോൾ എല്ലാ കണ്ണുകളും ഇന്ത്യയുടെ കൗമാരസൂപ്പർ താരം വൈഭവ് സൂര്യവംശിയിലേക്കാണ്. ഇന്ത്യയ്ക്ക് വേണ്ടി വെടിക്കെട്ട് ബാറ്റിങ്ങുമായി ഞെട്ടിക്കാറുള്ള 14കാരനായ വൈഭവ് ഇത്തവണയും മികച്ച പ്രകടനം പുറത്തെടുക്കുമെന്നാണ് ആരാധകർ പ്രതീക്ഷിക്കുന്നത്.

മത്സരത്തിൽ സുപ്രധാന നേട്ടങ്ങൾ കൈവരിക്കാനുള്ള അവസരവും വൈഭവിനെ തേടിയെത്തിയിരിക്കുകയാണ്. അണ്ടർ 19 ഏകദിന ക്രിക്കറ്റിൽ ഇന്ത്യയുടെ സൂപ്പർ താരം വിരാട് കോഹ്‌ലിയുടെ റെക്കോർഡ് മറികടക്കാനുള്ള സുവർണാവസരമാണ് ലോകകപ്പിൽ വൈഭവിനെ കാത്തിരിക്കുന്നത്. യുഎസ്എയ്‌ക്കെതിരായ അണ്ടർ 19 ലോകകപ്പ് മത്സരത്തിൽ ആറ് റൺസ് കൂടി നേടാൻ കഴിഞ്ഞാൽ, യൂത്ത് ഏകദിനങ്ങളിൽ ഇന്ത്യയ്ക്കായി ഏറ്റവും കൂടുതൽ റൺസ് നേടിയ താരങ്ങളുടെ പട്ടികയിൽ വിരാട് കോഹ്‌ലിയെ മറികടക്കാൻ വൈഭവിന് സാധിക്കും.

View this post on Instagram

A post shared by Team India (@indiancricketteam)

യൂത്ത് ഏകദിനങ്ങളിൽ 25 ഇന്നിംഗ്‌സുകളിൽ നിന്ന് (28 മത്സരങ്ങൾ) 46.57 ശരാശരിയിൽ 978 റൺസാണ് കോഹ്‌ലി നേടിയിട്ടുള്ളത്. അതേസമയം വൈഭവ് സൂര്യവംശി യൂത്ത് ഏകദിനങ്ങളിൽ 18 ഇന്നിംഗ്‌സുകളിൽ 54.05 ശരാശരിയിൽ ആകെ 973 റൺസ് നേടിയിട്ടുണ്ട്. മൂന്ന് സെഞ്ച്വറികളും നാല് അർദ്ധസെഞ്ച്വറികളുമടക്കമാണ് വൈഭവിന്റെ സമ്പാദ്യം. ഇതോടെ ആറ് റൺസ് നേടിയാൽ റെക്കോർഡിൽ‌ വിരാടിനെ മറികടക്കാൻ വൈഭവിന് കഴിയും.

Also Read:

Cricket

കൗമാരപ്പോരില്‍ തിളങ്ങാന്‍ വൈഭവും സംഘവും; അണ്ടര്‍ 19 ഏകദിന ലോകകപ്പിന് ഇന്ന് തുടക്കം

അതേസമയം യൂത്ത് ഏകദിന ക്രിക്കറ്റിൽ 1,000 റൺസ് തികയ്ക്കാൻ വൈഭവ് സൂര്യവംശിക്ക് ഇനി 27 റൺസ് കൂടി നേടിയാൽ മതി. ശുഭ്മൻ ഗിൽ, ഉന്മുക്ത് ചന്ദ് എന്നിവർ യഥാക്രമം 13, 17 ഇന്നിംഗ്‌സുകളിൽ നിന്ന് ഈ നേട്ടം കൈവരിച്ചതിന് ശേഷം ഏറ്റവും വേഗത്തിൽ ഈ നേട്ടം കൈവരിക്കുന്ന മൂന്നാമത്തെ താരമായി വൈഭവ് മാറും. ഇതോടെ അണ്ടർ 19 ഏകദിന ക്രിക്കറ്റിൽ 1000 റൺസ് തികയ്ക്കുന്ന ഏഴാമത്തെ ഇന്ത്യൻ കളിക്കാരനായി വൈഭവ് മാറും.

Also Read:

Cricket

എന്തുകൊണ്ട് ബദോനിയെ ടീമിലെടുത്തു?; കാരണം വ്യക്തമാക്കി ഇന്ത്യൻ ബാറ്റിങ് കോച്ച്

യൂത്ത് ഏകദിനങ്ങളിൽ ഇന്ത്യയ്ക്കായി ഏറ്റവും കൂടുതൽ റൺസ് നേടിയവർ

• വിജയ് സോൾ - 1404 റൺസ്
• യശസ്വി ജയ്സ്വാൾ - 1386 റൺസ്
• തൻമയ് ശ്രീവാസ്തവ - 1316 റൺസ്
• ഉൻമുക്ത് ചന്ദ് - 1149 റൺസ്
• ശുഭ്മാൻ ഗിൽ - 1149 റൺസ്
• സർഫറാസ് ഖാൻ - 1080 റൺസ്
• വിരാട് കോഹ്‌ലി - 978 റൺസ്
• വൈഭവ് സൂര്യവംശി - 973 റൺസ്.

Content Highlights: ICC Under 19 World Cup 2026: Vaibhav Suryavanshi on Verge to overtake Virat Kohli in stellar Record

Cricket

Cricket

'ടീം പ്രഖ്യാപിച്ചപ്പോഴാണ് ഒഴിവാക്കിയെന്ന് അറിഞ്ഞത്, ഹൃദയം തകർന്നുപോയി'; മനസ് തുറന്ന് ജിതേഷ് ശർമ

Cricket

മോനേ നിന്നെക്കൊണ്ട് പറ്റുമെടാ, നീ ഒരുദിവസം ഇന്ത്യയ്ക്ക് വേണ്ടി കളിക്കുമെന്ന് പറഞ്ഞത് ഈ ചേട്ടന്മാരാണ്: സഞ്ജു

Cricket

മികച്ച അവസരമായിരുന്നു, മുതലാക്കിയില്ല! ഇന്ത്യൻ യുവതാരത്തിനെതിരെ തുറന്നടിച്ച് സഹപരിശീലകൻ

Cricket

റൺസെടുത്തിട്ടും കാര്യമുണ്ടായിരുന്നില്ല,വിക്കറ്റ് വീഴ്ത്തിയില്ലെങ്കിൽ റിസൾട്ട് ഉണ്ടാകില്ല; മത്സര ശേഷം ഗിൽ